Our Principal Message

Mr. Khem Bahadur Paija

आदरणीय अभिभावकज्यू, प्रिय विद्यार्थीहरू तथा सम्माननीय शिक्षाप्रेमीहरूमा हार्दिक नमस्कार। गण्डकी प्रदेशको हिमाली जिल्ला म्याग्दी, अन्नपूर्ण गाउँपालिका–५, शिखमा अवस्थित श्री शिख माध्यमिक विद्यालय वि.सं. २०११ सालमा अग्रज शिक्षाप्रेमीहरू तथा भूतपूर्व सैनिकका १६ जना सरदारहरूको विशेष पहलबाट स्थापित गौरवशाली सामुदायिक विद्यालय हो। प्रारम्भिक बाल शिक्षा (ECD) देखि कक्षा १२ सम्म अध्ययन–अध्यापन सञ्चालन गर्दै आएको यस विद्यालयले शिक्षालाई केवल सैद्धान्तिक ज्ञानमा सीमित नराखी समयसापेक्ष, वैज्ञानिक, प्रविधिमैत्री तथा जीवनोपयोगी शिक्षामा विशेष जोड दिएको छ। हाम्रो लक्ष्य नैतिकवान, सिर्जनशील, आत्मनिर्भर, प्रतिस्पर्धी, रोजगारमुखी र जिम्मेवार नागरिक निर्माण गर्नु हो। प्रधानाध्यापकको रूपमा सम्मान, निष्ठा, जवाफदेहिता, अनुशासन र सुशासनलाई आत्मसात् गर्दै सहकर्मी शिक्षक–शिक्षिका, अभिभावक, विद्यालय व्यवस्थापन समिति तथा सम्पूर्ण सरोकारवालासँग सहकार्य गरी गुणस्तरीय शिक्षा प्रदान गर्न म निरन्तर प्रतिबद्ध छु। यदि तपाईं आफ्ना बालबालिकाका लागि आधुनिक, प्रविधिमैत्री, बालमैत्री, संस्कारयुक्त र गुणस्तरीय शिक्षाको खोजीमा हुनुहुन्छ भने श्री शिख माध्यमिक विद्यालय तपाईंको विश्वासिलो गन्तव्य बन्नेछ। सम्पूर्ण विद्यार्थी र अभिभावकलाई हाम्रो विद्यालय परिवारमा हार्दिक स्वागत गर्दछु।